निशानको कुरा

काठमाडौँ । एएफसी कप फुटबलको प्लेअफ छनौटको आफ्नो दोस्रो खेलमा मंगलबार (आज) रुस्लान थ्रि स्टार क्लबले कम्बोडियाको नागाबल्र्ड फुटबल क्लबसँग खेल्दै छ । मंगोलियाको उलानबटारमा जारी छनौटको दोस्रो खेलमा नेपालको राष्ट्रिय लिग च्याम्यिपयन थ्री स्टारले कम्बोडियाको च्याम्पियन नागाबल्र्डसंग प्रतिस्पर्धा गर्न लागेको हो । थ्रिस्टार र नागाबल्र्डबीचको खेल नेपाली समय अनुसार दिउँसोको पौने ३ बजे मंगोलियन फुटबल फेडेरेसनको कृत्रिम मैदानमा सुरु हुनेछ । थ्रिस्टार नागाबल्र्डलाई पराजित गर्दै अर्को चरणमा पुग्ने लक्ष्यका साथ मैदान ओर्लने छ । समुह बि को यो छनौट प्रतियोगितामा थ्रिस्टार ३ अंक सहित पहिलो स्थानमा छ । समुहको शिर्ष स्थानमा रहेको थ्रिस्टारको अर्को चरणमा जाने संभावना बढि छ । तर ,   थ्रिस्टारले नागाबल्र्डसंग कम्तीमा बराबरी खेल्नुपर्ने हुन्छ । मंगलबारको खेलमा थ्रिस्टार विजयी भए , स्वत एएफसी कप फुटबलको अर्को चरणमा पुग्नेछ । यदि थ्रिस्टार पराजित भए उसको अर्को चरण प्रवेश नागाबल्र्ड र एर्चिमवीचको खेलको नतिजा कुर्नुपर्नेछ । समचार साभार -  बाह्रखरी डटकम लाइभ यहाँ हेर्नुस -

काठमाडौँ । एएफसी कप फुटबलको प्लेअफ छनौटको पहिलो खेलमा नेपालको राष्ट्रिय लिग बिजेता रुस्लान थ्रिस्टार क्लबले अहिले आयोजक मंगोलियाको एर्चिम फुटबल क्लबसँग खेलिरहेको छ । थ्री स्टार र एर्चिमबिचको खेल मंगोलियाको फुटबल फेडेरेसनको कृत्रिम मैदानमा जारी छ ।  ललितपुरको रैथाने क्लब थ्रिस्टारले नेपालको राष्ट्रिय लिग विजेता भएपछि एएफसी कपको प्लेअफ छनोटमा नेपालको प्रतिनिधित्व गर्न लागेको हो । यस प्ले अफ छनोटमा थ्रीस्टार समूह ‘ बि ’ मा परेको छ । थ्री स्टारले एर्चिमपछि  कम्बोडियाको नागावोर्ल्ड फुटबल क्लब संग मंगलबार खेल्ने छ । तीन समूहमा विभाजन गरिएको प्लेअफ छनोट चरणमा नौ टोलीको सहभागिता छ । तीन वटै समूहबाट समूह विजेता अर्को चरणमा पुग्नेछ । लाइभ हेर्नुस -