निशानको कुरा

एएफसी सोलिडारिटी कप फुटबलको उपाधिका लागि नेपालले अहिले मकाउको सामना गरिरहेको छ । मलेसियाको कुचिङस्थित सारावाक रंगशालामा नेपाल र मकाउबिचको उपाधि भिडन्त केहि समयअघि सुरु भएको हो । नेपाल फाइनलमा मकाउलाई पराजित गर्दै एसियाली फुटबल महासंघ एएफसीले पहिलो पटक आयोजना गरेको सोलिडारिटी कपको उपाधि जित्दै घर फर्कन चाहन्छ ।    नेपाल र मकाउबिचको खेल लाइभ हेर्नुस – 

काठमाडौँ । एएफसी सोलिडारिटी कप फुटबलको पहिलो सेमिफाइनलमा अहिले नेपालले लाओसको सामना गर्दैछ । नेपाल र लाओसबीचको खेल कुचिङस्थित सारावाक रंगशालामा नेपाली समयअनुसार दिउसो २ बजेर १५ मिनेटमा सुरु हुनेछ । र , पहिलो सेमिफाइनलमा विजयी हुने टोलीले फाइनलमा मकाउ र ब्रुनाइबिचको बिजेतासंग खेल्ने छ ।     समूह एको बिजेता बनेको नेपालले समूह बिको उपविजेता बन्दै सेमिफाइनलमा पुगेको लाओसलाई सेमिफाइनल प्रतिद्वन्दी पाएको हो । नेपाल र लाओसबिचको खेल लाइभ हेर्नुस – 

एएफसी सोलिडारिटी कप फुटबलअन्तर्गत समूह चरणको अन्तिम खेलमा नेपालले अहिले   ब्रुनाईको सामना गरिरहेको छ । नेपाललाई ब्रुनाईसँगको समूहको दोस्रो खेलमा त्यति धेरै दबाब भने छैन । नेपाल ब्रुनाईसँग बराबरी वा तीन गोलको अन्तरमा पराजित भएपनि सेमिफाइनलमा पुग्नेछ । किनकि पहिलो खेलमा ब्रुनाईले टिमोर लिस्टेलाई ४ – ० ले पराजित गरेको फाइदा नेपाललाई हुनेछ ।     नेपाल र ब्रुनाईबीचको लाइभ भिडियो - आज नेपाल ब्रुनाईसँग सन् २००६ मा बेहोरेको हारको बदला लिने तयारीमा हुनेछ । नेपाल र ब्रुनाई यसअघि एएफसी च्यालेन्ज कप २००६ अन्तर्गत समूह चरणमा एक खेल खेलेका थिए । उक्त खेलमा ब्रुनाईले नेपाललाई २ – १ ले पराजित गरेको थियो ।

एएफसी सोलिडारिटी कप फुटबलको उपाधि जित्ने लक्ष्यका साथ मलेसिया पुगेको नेपाली राष्ट्रिय फुटबल टोलीले आज टिमोर लिस्टेविरुद्ध खेल्दै प्रतियोगिताको सुरुआत गर्दैछ । नेपाल र टिमोर लिस्टेबीचको खेलमा मलेसियाको कुचिङस्थित सारावाक रंगशालामा नेपाली समय अनुसार ५ बजेर १५ मिनेटमा सुरु हुनेछ । नेपाली टोली बिराज महर्जनको कप्तानीमा मैदान उत्रने छन् । नेपाली टोलीको लक्ष्य तुलनात्मक रुपमा कमजोर टोली टिमोर लिस्टेलाई पराजित गर्दै उपाधि होड कायम गर्ने रहेको छ । नेपाली टोलीले समूह चरणको अन्तिम खेल ब्रुनाईसँग कात्तिक २३ मा खेल्नेछ । नेपाल र टिमोर लिस्टेबिचको खेल लाइभ हेर्न यहाँ क्लीक गर्नुस । नेपालले टिमोर लिस्टेविरुद्ध यो तेस्रो पटक खेल्न लागेको हो । नेपालभन्दा कमजोर टोली टिमोर लिस्टेलाई नेपालले यसअघि दुई पटक पराजित गरिसकेको छ । नेपालले यसअघि टिमोर लिस्टेलाई सन् २०११ मा भएको दुई खेलमा पराजित गरेको थियो ।  सन् २०१४ को विश्वकप छनौटका लागि दशरथ रंगशालामा भएको खेलमा नेपालले पहिलो लेग २ – १ र दोस्रो लेग ५ – ० ले जितेको थियो ।   

नेपाल सम्मलित एएफसी सोलिडारिटी कप फुटबल केहि बेरमा मलेसियाको कुचिङमा उद्घाटन हुदैछ  । र, एएफसी सोलिडारिटी कपको उद्घाटन खेलमा नेपालकै समुह समूह एमा रहेको ब्रुनाई र टिमोर लिस्टे प्रतिस्पर्धा गर्दैछन् । ब्रुनाई र टिमोर लिस्टेबिचको खेल लाइभ हेर्नुस – प्रतियोगितामा नेपालले भने पहिलो खेलमा कात्तिक २० गते टिमोर लिस्टेसँग खेल्नेछ । त्यस्तै नेपालले समूह चरणको अन्तिम खेल ब्रुनाईसँग कात्तिक २३ खेल्नेछ । लिग कम नकाउटका आधारमा हुने प्रतियोगितामा दुई समूहको बिजेता र उपबिजेताले सेमिफाइनलमा स्थान बनाउने छन् । सात टोली सहभागी हुने सोलिडारिटी कपको समूह बीमा श्रीलंका , मकाउ , लाओस र मंगोलिया छन् ।